• Jaithra Business Solutions
  • Sitarama-Electrical
  • Jaithra Business Solutions
  • Category Banner Ad
  • vijay opticals
  • బిజెపి అధ్యక్ష పదవికి కంభంపాటి రాజీనామా

    Posted on 16 Apr, 2018 in General |   0 Comments

     

    భీమవరం డాట్ కామ్, న్యూస్ డెస్క్ (17/4/18.. 09.30am)
              ఆంధ్రప్రదేశ్‌ భారతీయ జనతా పార్టీ అధ్యక్ష పదవికి కంభంపాటి హరిబాబు రాజీనామా చేశారు. తన రాజీనామా లేఖను జాతీయ అధ్యక్షుడు అమిత్‌ షాకు పంపించారు. పార్టీ పదవుల్లో యువకులకు ప్రాధాన్యం కల్పించాలన్న ఉద్దేశంతోనే తాను అధ్యక్ష పదవి నుంచి తప్పుకుంటున్నట్లు లేఖలో పేర్కొన్నారు. హరిబాబు గత నాలుగేళ్లుగా ఏపీ భాజపా అధ్యక్షుడిగా పని చేస్తున్నారు. ఇటీవల తమతో తెలుగుదేశం పార్టీతో తెగదెంపులు చేసుకున్న నేపథ్యంలో వచ్చే ఎన్నికల్లో ఏపీలో స్వతహాగా బలం పుంజుకోవాలని భాజపా యోచిస్తోంది. దీనిలో భాగంగానే పార్టీ అధ్యక్షుడిగా హరిబాబును తప్పించి సమర్థుడైన మరో నేతకు కట్టబెట్టాలని అధిష్ఠానం ఆలోచనలో ఉన్నట్లు వార్తలు వచ్చాయి. వీరిలో మాజీమంత్రి తాడేపల్లిగూడెం ఎమ్మెల్యే పైడికొండల మాణిక్యాలరావు పేరు ప్రముఖంగా వినిపిస్తోంది. కొత్త అధ్యక్షుడి నియామకానికి మార్గం సుగమం చేసేందుకే హరిబాబు రాజీనామా చేసినట్లు తెలుస్తోంది.
     
     
    Be the first one to comment. Click here to post comment!