• India
homepagebanner
homepagebanner
homepagebanner
  • Police : 9440796632, 33, 34
  • Ambulance : 108
  • Fire-Brigade : 08816 233299
  • Municipal Corporation : 98499 05813
  • Blood Bank : 08816 225559
ధావన్‌ వేలికి గాయం .. కనీసం మూడు మ్యాచ్‌లకు దూరం (12/6/19)
Cricket

ధావన్‌ వేలికి గాయం .. కనీసం మూడు మ్యాచ్‌లకు దూరం (12/6/19)

 
 
భీమవరం డాట్ కామ్, న్యూస్ డెస్క్ (12/6/19..      09.30am)
                  ప్రపంచకప్‌లో కీలక సమరాల ముంగిట టీమ్‌ఇండియాకు గట్టి ఎదురు దెబ్బ తగిలింది. ఆస్ట్రేలియాపై సూపర్‌సెంచరీతో ఫామ్‌ చాటుకున్న ఓపెనర్‌ శిఖర్‌ ధావన్‌.. అదే మ్యాచ్‌లో వేలి గాయానికి గురి కావడంతో తాత్కాలికంగా ఆటకు దూరమయ్యాడు. కమిన్స్‌ విసిరిన బౌన్సర్‌ను ధావన్‌ డిఫెన్స్‌ ఆడబోగా అది అతడి ఎడమ చేతి వేలికి బలంగా తాకింది. ఫిజియోతో ప్రథమ చికిత్స చేయించుకున్నాక ధావన్‌ బ్యాటింగ్‌ కొనసాగించాడు. అయితే నొప్పి ఎక్కువగా ఉండటంతో భారత్‌ ఫీల్డింగ్‌ చేస్తున్న సమయంలో ధావన్‌ మైదానానికే రాలేదు. అతడి స్థానంలో జడేజా ఫీల్డింగ్‌ చేశాడు. వేలిలో చీలిక వచ్చినట్లు పరీక్షల్లో తేలడంతో కొన్ని రోజుల పాటు ధావన్‌ బ్యాట్‌ పట్టడానికి వీల్లేదని వైద్యులు తేల్చారు. అతను కచ్చితంగా ఎన్ని రోజులు ఆటకు దూరమవుతాడన్న విషయంలో స్పష్టత లేదు. కనీసం మూడు మ్యాచ్‌లకు అతను దూరమవుతాడని సమాచారం. భారత్‌.. గురువారం న్యూజిలాండ్‌తో, ఆదివారం పాకిస్థాన్‌తో, ఈ నెల 22న అఫ్గానిస్థాన్‌తో తలపడనుంది. కప్పుపై ఎన్నో ఆశలతో ఉన్న భారత్‌కు ధావన్‌ గాయం కచ్చితంగా పెద్ద ఎదురుదెబ్బే. ఐసీసీ టోర్నీల్లో అతడికి గొప్ప రికార్డుంది. ప్రపంచకప్‌, ఛాంపియన్స్‌ ట్రోఫీల్లో కలిపి 20 మ్యాచ్‌లాడిన అతను 65.15 సగటుతో 1238 పరుగులు చేయడం విశేషం. ఈ టోర్నీలో దక్షిణాఫ్రికాతో మ్యాచ్‌లో విఫలమైనా.. ఆస్ట్రేలియాపై సత్తా చాటి జట్టు విజయంలో కీలక పాత్ర పోషించాడు. అతను ఫామ్‌ అందుకోగానే గాయంతో దూరం కావడం భారత్‌కు మింగుడు పడని విషయమే. మరో ఓపెనర్‌ రోహిత్‌తో ధావన్‌కు చక్కటి సమన్వయం ఉంది. చాలా ఏళ్లుగా ఈ జోడీ వన్డేల్లో భారత విజయాల్లో కీలకంగా ఉంటోంది. ప్రపంచకప్‌ ముంగిట ఓపెనర్ల ఫామ్‌ ఆందోళన రేకెత్తించినా.. టోర్నీలో ఒకరి తర్వాత ఒకరు శతకాలు బాదడంతో సమస్య తీరినట్లయింది. ఓపెనింగ్‌లో కుడి, ఎడమ చేతి వాటం బ్యాట్స్‌మెన్‌ ఉండటం ప్రత్యర్థి బౌలర్లకు పెద్ద తలనొప్పే. బ్యాటింగ్‌ ఆర్డర్లో మరో లెఫ్ట్‌ హ్యాండర్‌ లేని నేపథ్యంలో ధావన్‌ జట్టులో ఉండటం అవసరం. అందుకే సాధ్యమైనంత త్వరగా అతను కోలుకుని తుది జట్టులోకి రావాలని టీమ్‌ఇండియా ఆశిస్తోంది.

You can share this post!

Wonderful Outdoors Experience: Eagle Spotting in Alaska

The only thing that overcomes hard luck is hard work